គម្រោង Blue Shield of California សម្រាប់អ្នកទទួលផល Medicare

ការយល់ដឹងអំពី Medicare អាចមានភាពស្មុគស្មាញ – ប៉ុន្តែយើងនៅទីនេះដើម្បីជួយអ្នក។ សំណួរដែលគេសួរញឹកញាប់ (FAQ) របស់យើងអាចជួយអ្នកឱ្យយល់ពីជម្រើសរបស់អ្នក និងមានទំនុកចិត្តបន្ថែមទៀតលើការធានារ៉ាប់រងរបស់អ្នក។ ស្វែងយល់បន្ថែមអំពីគម្រោង Medicare Advantage Plan (MA-PD) និងគម្រោង Medicare Supplement។ សូមស្វែងយល់ពីរបៀបដែលគម្រោងធានារ៉ាប់រងថ្លៃឱសថតាមវេជ្ជបញ្ជា (PDP) ដំណើរការ និងរបៀបដែលអ្នកអាចទទួលបានអត្ថប្រយោជន៍ពេញលេញពីការធានារ៉ាប់រងថ្លៃឱសថរបស់អ្នក។ អ្នកក៏នឹងរកឃើញព័ត៌មានអំពីគម្រោងដែលមានតម្រូវការពិសេសសម្រាប់អ្នកមានសិទ្ធិទទួលបានកម្មវិធីទាំងពីរ (HMO D-SNP) និងការថែទាំក្នុងគ្រាអាសន្នផងដែរ។ 

តើគម្រោងប្រភេទណាខ្លះសម្រាប់អ្នកទទួលផល Medicare ដែល Blue Shield ផ្តល់ជូន?

យើងមានគម្រោងចំនួនបួនផ្សេងគ្នា ដើម្បីបំពេញតម្រូវការរបស់អ្នក៖ គម្រោងឱសថតាមវេជ្ជបញ្ជា Medicare Advantage គម្រោងបំពេញបន្ថែម Medicare គម្រោងធានារ៉ាប់រងថ្លៃឱសថតាមវេជ្ជបញ្ជា (PDP) និងគម្រោងដែលមានតម្រូវការពិសេសសម្រាប់អ្នកមានសិទ្ធិទទួលបានកម្មវិធីទាំងពីរ (D-SNP)។  សូមស្វែងយល់បន្ថែមអំពី គម្រោងរបស់យើង  ឬទូរសព្ទទៅ (800) 260-9607 (TTY: 711)*។
 

តើអ្នកត្រូវធ្វើដូចម្ដេចដើម្បីដឹងអំពីថ្លៃចំណាយវេជ្ជសាស្ត្រ ឬថ្លៃឱសថតាមវេជ្ជបញ្ជារបស់អ្នក?

ដើម្បីយល់ដឹងពីថ្លៃចំណាយរបស់អ្នក សូមទាក់ទងទីប្រឹក្សា Medicare របស់ Blue Shield ឬ ប្រសិនបើអ្នកជាសមាជិក Blue Shield of California សូមទូរសព្ទទៅផ្នែកសេវាបម្រើអតិថិជនតាមលេខទូរស័ព្ទដែលមាននៅលើប័ណ្ណសម្គាល់សមាជិក Blue Shield របស់អ្នក។ អ្នកក៏អាច ចូល ទៅកាន់គណនីអនឡាញរបស់អ្នក ដើម្បីទទួលបានព័ត៌មាននេះផងដែរ។

តើអ្នកទទួលបានឧបករណ៍វេជ្ជសាស្ត្រដោយរបៀបណា ហើយវាមានការធានាដែរឬទេ?

បរិក្ខារវេជ្ជសាស្ត្រជាប់បានយូរ (DME) គឺជាប្រភេទឧបករណ៍ដែលគ្រូពេទ្យរបស់អ្នកត្រូវបញ្ជាទិញសម្រាប់ហេតុផលវេជ្ជសាស្ត្រ។ ឧទាហរណ៍ DME គឺឈើច្រត់ រទេះរុញ និងគ្រែមន្ទីរពេទ្យ។ DME មានការធានារ៉ាប់រងដោយ Medicare។ ថ្លៃចំណាយចេញពីហោប៉ៅផ្ទាល់ខ្លួនរបស់សមាជិកអាចមានភាពខុសគ្នា។ ការថែទាំនេះត្រូវបានផ្ដល់ការធានារ៉ាប់រងនៅក្នុងគម្រោងឱសថតាមវេជ្ជបញ្ជា Medicare Advantage របស់យើង។ ប្រសិនបើអ្នកបានចុះឈ្មោះក្នុងគម្រោង D-SNP នោះ Medi-Cal នឹងផ្ដល់ការធានារ៉ាប់រងសម្រាប់បរិក្ខារវេជ្ជសាស្ត្រជាប់បានយូរ (DME) បន្ថែមដែល Medicare មិនបានរ៉ាប់រង។ តម្រូវឱ្យមានការអនុញ្ញាតជាមុនសម្រាប់ DME។ វាមានន័យថា វេជ្ជបណ្ឌិត ឬអ្នកផ្គត់ផ្គង់របស់អ្នកត្រូវតែទទួលបានការអនុញ្ញាតពី Blue Shield មុនពេលអ្នកទទួលបានឧបករណ៍នោះ។ សូមពិនិត្យមើល Summary of Benefits (SOB) ឬ ឯកសារភស្តុតាងបញ្ជាក់ពីការធានារ៉ាប់រងរួម (EOC) របស់អ្នក ឬ សម្រាប់សមាជិកគម្រោង D-SNP សូមពិនិត្យសៀវភៅណែនាំសមាជិករបស់អ្នក ដើម្បីដឹងព័ត៌មានលម្អិត។

សម្រាប់គម្រោងបំពេញបន្ថែម Medicare, Original Medicare ផ្នែក B ផ្ដល់ការធានារ៉ាប់រងលើបរិក្ខារវេជ្ជសាស្ត្រជាប់បានយូរ (DME) ដែលចាំបាច់ផ្នែកវេជ្ជសាស្ត្រ។ ដើម្បីយល់ពីអត្ថប្រយោជន៍ Original Medicare សូមមើលសៀវភៅណៃនាំ “Medicare និង អ្នក”។ សូមពិនិត្យមើលឯកសារ SOB របស់អ្នក ដើម្បីដឹងពីការធានារ៉ាប់រងជាក់លាក់នៃគម្រោងបំពេញបន្ថែម Medicare ចំពោះថ្លៃចំណាយចេញពីហោប៉ៅផ្ទាល់ខ្លួន ដែលទាក់ទងនឹងចំណែកនៃថ្លៃចូលរួម/ចំណាយបង់មុនរបស់ Medicare ផ្នែក B។
 

តើការថែទាំក្នុងគ្រាអាសន្នមានការធានារ៉ាប់រងដែរឬទេ?

ការថែទាំក្នុងគ្រាអាសន្នត្រូវបានធានារ៉ាប់រងនៅក្នុងគម្រោងឱសថតាមវេជ្ជបញ្ជា Medicare Advantage និងគម្រោង D-SNP របស់យើង។ សមាជិកគម្រោងឱសថតាមវេជ្ជបញ្ជា Medicare Advantage សូមពិនិត្យមើល EOC របស់អ្នកសម្រាប់ព័ត៌មានលម្អិត។ ចំណែកសមាជិកគម្រោង D-SNP សូមពិនិត្យមើលសៀវភៅណែនាំសមាជិករបស់អ្នក។

សម្រាប់គម្រោងបំពេញបន្ថែម Medicare គឺ Original Medicare ផ្នែក B នឹងធានារ៉ាប់រងលើសេវាសង្គ្រោះបន្ទាន់។ ដើម្បីយល់ដឹងពីអត្ថប្រយោជន៍របស់ Original Medicare សូមយោងទៅសៀវភៅណែនាំ “Medicare និង អ្នក”។ សូមពិនិត្យមើលឯកសារ SOB របស់អ្នក ដើម្បីដឹងពីការធានារ៉ាប់រងជាក់លាក់នៃគម្រោងបំពេញបន្ថែម Medicare ចំពោះថ្លៃចំណាយចេញពីហោប៉ៅផ្ទាល់ខ្លួន ដែលទាក់ទងនឹងចំណែកនៃថ្លៃចូលរួម/ចំណាយបង់មុនរបស់ Medicare ផ្នែក B។
 

តើអ្វីទៅគឺជាដំណាក់កាលធានារ៉ាប់រងគ្រោះមហន្ដរាយ?

ការធានារ៉ាប់រងគ្រោះមហន្ដរាយ គឺជាដំណាក់កាលបង់ថ្លៃឱសថផ្នែក D ដែលចាប់ផ្ដើម នៅពេលអ្នក (ឬភាគីដែលមានសិទ្ធិផ្សេងទៀតតាងនាមអ្នក) បានចំណាយ $2,100 លើឱសថដែលមានធានារ៉ាប់រងផ្នែក D ក្នុងអំឡុងឆ្នាំនោះ។ ក្នុងដំណាក់កាលនេះ អ្នកនឹងមិនបង់ថ្លៃអ្វីទាំងអស់សម្រាប់ឱសថផ្នែក D ដែលមានធានារ៉ាប់រង។

សូមចំណាំថា នេះមិនអនុវត្តចំពោះគម្រោងបំពេញបន្ថែម Medicare ទេ។
 

តើខ្ញុំមានការធានារ៉ាប់រងដែរឬទេ នៅពេលដែលខ្ញុំស្ថិតនៅក្រៅតំបន់ផ្តល់សេវានៃគម្រោងរបស់ខ្ញុំ? 

គម្រោង Medicare Advantage និងគម្រោង D-SNP របស់យើងនឹងធានារ៉ាប់រងលើការថែទាំក្នុងគ្រាអាសន្ន ឬសេវាដែលត្រូវការបន្ទាន់នៅក្រៅតំបន់ផ្ដល់សេវារបស់អ្នក។ សូមយោងទៅឯកសារ EOC/សៀវភៅណែនាំសមាជិករបស់អ្នកសម្រាប់ព័ត៌មានបន្ថែម ជាពិសេសនៅក្នុងផ្នែកការថែទាំក្នុងគ្រាអាសន្ន និងសេវាដែលត្រូវការបន្ទាន់ ក្នុងតារាងអត្ថប្រយោជន៍វេជ្ជសាស្ត្រ។ ឧទាហរណ៍នៃសេវាដែលត្រូវការបន្ទាន់ គឺជំងឺ និងរបួស ដែលកើតឡើងដោយមិនបានមើលឃើញទុកជាមុន ឬការរើឡើងវិញនៃស្ថានភាពដែលមានស្រាប់។ ទោះជាយ៉ាងណាក៏ដោយ ការទៅជួបគ្រូពេទ្យជាប្រចាំ ដែលមានភាពចាំបាច់ផ្នែកវេជ្ជសាស្ត្រ ដូចជាការពិនិត្យសុខភាពប្រចាំឆ្នាំ មិនត្រូវបានចាត់ទុកថា ជាសេវាដែលត្រូវការបន្ទាន់នោះទេ ទោះបីជាអ្នកនៅក្រៅតំបន់ផ្ដល់សេវា ឬបណ្ដាញគ្រូពេទ្យមិនមានបណ្ដោះអាសន្នក៏ដោយ។ គម្រោងរបស់យើងធានារ៉ាប់រងលើការថែទាំក្នុងគ្រាអាសន្ន និងសេវាដែលត្រូវការបន្ទាន់នៅទូទាំងពិភពលោក ក្រៅពីសហរដ្ឋអាមេរិក និងទឹកដីរបស់ខ្លួន។ សូមពិនិត្យមើលផ្នែកការថែទាំក្នុងគ្រាអាសន្ន និងសេវាដែលត្រូវការបន្ទាន់ ក្នុងតារាងអត្ថប្រយោជន៍វេជ្ជសាស្ត្រនៃ EOC/សៀវភៅណែនាំសមាជិករបស់អ្នក សម្រាប់ព័ត៌មានបន្ថែមអំពីចំនួនទឹកប្រាក់ដែលអ្នកត្រូវបង់ និងចំនួនកំណត់ប្រចាំឆ្នាំ។

សមាជិកនៃគម្រោងបំពេញបន្ថែម Medicare មួយចំនួនមានការធានារ៉ាប់រងខ្លះសម្រាប់ការថែទាំក្នុងគ្រាអាសន្នដែលមានភាពចាំបាច់ផ្នែកវេជ្ជសាស្ត្រនៅក្រៅរដ្ឋកាលីហ្វ័រញ៉ា។ សូមមើលទៅ SOB របស់អ្នកសម្រាប់ព័ត៌មានបន្ថែម។

តើអ្នកនៅមានសំណួរដែរឬទេ? ទាក់ទង ផ្នែកសេវាបម្រើអតិថិជនរបស់ Blue Shield។ 

ធនធានបន្ថែម

• សំណួរដែលគេសួរញឹកញាប់អំពី Medicare
• ការទទួលបានការថែទាំជាមួយសំណួរដែលគេសួរញឹកញាប់អំពី Medicare
• គ្រប់គ្រងសំណួរដែលគេសួរញឹកញាប់របស់គម្រោង និងគណនីអនឡាញរបស់អ្នក