សេវាបម្រើអតិថិជន និងការណែនាំ

គណនីអនឡាញធ្វើឱ្យការគ្រប់គ្រងគម្រោងរបស់អ្នកកាន់តែងាយស្រួល៖

អ្នកអាច៖ 

• ទាញយកបណ្ណសម្គាល់សមាជិក Blue Shield ឌីជីថលរបស់អ្នក

• ពិនិត្យមើលអត្ថប្រយោជន៍ និងថ្លៃចំណាយរបស់អ្នក

• ស្វែងរកវេជ្ជបណ្ឌិត និងអ្នកឯកទេស

• មើលកំណត់ត្រាសុខភាព និងវេជ្ជបញ្ជារបស់អ្នក​ទាំងអស់នៅក្នុងកន្លែងតែមួយ។

ចុះឈ្មោះតាមអនឡាញ

កម្មវិធីទូរសព្ទ (App) នេះ ជួយសម្រួលដល់ការចូលគណនីរបស់អ្នក នៅពេលលោកអ្នកកំពុងធ្វើដំណើរ។  វាជាព័ត៌មានតែមួយ ប៉ុន្តែមាននៅលើទូរស័ព្ទដៃឆ្លាតវៃរបស់អ្នក។ វាមានសម្រាប់ទាំងប្រព័ន្ធ iOS និង Android។

ស្វែងយល់បន្ថែមអំពីកម្មវិធីទូរសព្ទរបស់យើង

ការបញ្ជូនបន្ត គឺជាសំណើសុំណាត់ជួបពីអ្នកផ្ដល់ការថែទាំជាបឋម (PCP) របស់អ្នក ទៅកាន់អ្នកឯកទេស។ អ្នកឯកទេស គឺជាអ្នកផ្តល់សេវាដែលផ្តោតលើជំងឺជាក់លាក់មួយ ឬផ្នែកណាមួយនៃរាងកាយ ដូចជា គ្រូពេទ្យបេះដូង គ្រូពេទ្យវះកាត់ ឬអ្នកព្យាបាលដោយចលនា៖

តើខ្ញុំត្រូវមានការបញ្ជូនបន្តនៅពេលណា?

• ប្រសិនបើលោកអ្នកមានគម្រោង HMO នោះ លោកអ្នកត្រូវមានការបញ្ជូនបន្តពី PCP របស់លោកអ្នក ដើម្បីជួបអ្នកឯកទេស។

តើខ្ញុំ មិន ត្រូវមានការបញ្ជូនបន្តនៅពេលណា?

• ប្រសិនបើលោកអ្នកមានគម្រោង PPO

• ដើម្បីទទួលបានការថែទាំក្នុងភាពអាសន្ន ឬការថែទាំដែលត្រូវការបន្ទាន់

ការបញ្ជូនបន្តមានដំណើរការយ៉ាងដូចម្តេច?

ការបញ្ជូនបន្តត្រូវចាប់ផ្តើមជាញឹកញាប់ក្នុងអំឡុងពេលដែលលោកអ្នកទៅជួប PCP របស់អ្នក។ លោកអ្នកក៏អាចទាក់ទងអ្នកផ្តល់សេវា ដើម្បីស្នើសុំការបញ្ជូនបន្តបានដែរ។ បន្ទាប់មក អ្នកផ្តល់សេវារបស់អ្នកនឹងផ្ញើការបញ្ជូនបន្តទៅការិយាល័យអ្នកឯកទេសដោយនាំយកនឹងព័ត៌មានវេជ្ជសាស្ត្រពាក់ព័ន្ធ។

ការបញ្ជូនបន្តអាចត្រូវចំណាយពេលពីរបីថ្ងៃ ដើម្បីដំណើរការ។ វិធីល្អបំផុត ដើម្បីដឹងពីស្ថានភាពនៃការបញ្ជូនបន្តរបស់អ្នក គឺត្រូវហៅទូរសព្ទទៅកាន់ការិយាល័យអ្នកផ្តល់សេវារបស់អ្នក។ ស្នើសុំលេខទូរសព្ទរបស់អ្នកឯកទេស ដើម្បីឱ្យលោកអ្នក អាចហៅទៅណាត់ជួបបាន បន្ទាប់ពីការបញ្ជូនបន្តត្រូវបានដំណើរការរួចរាល់។

ចុះបើអ្នកឯកទេស ដែលខ្ញុំត្រូវបានបញ្ជូនទៅ មានការណាត់ជួបពេញហើយ?

អ្នកផ្តល់សេវារបស់អ្នកអាចបញ្ជូនលោកអ្នកទៅ អ្នកឯកទេស ដែលមានកាលវិភាគមមាញឹកខ្លាំង។ ក្នុងករណីនេះ សូមហៅទូរសព្ទទៅកាន់ផ្នែកសេវាបម្រើអតិថិជន។ យើងអាចជួយអ្នកក្នុងការស្វែងរកការណាត់ជួបជាមួយអ្នកឯកទេសផ្សេងទៀត ដើម្បីឱ្យលោកអ្នកទទួលបានការថែទាំកាន់តែឆាប់រហ័ស។

ការអនុញ្ញាតជាមុន គឺជាសំណើសុំការយល់ព្រមជាមុនសម្រាប់ធ្វើតេស្ត នីតិវិធី បរិក្ខារវេជ្ជសាស្ត្រ និងឱសថមួយចំនួន ដែលបានបញ្ជាទិញសម្រាប់លោកអ្នក។ អ្នកផ្តល់សេវារបស់អ្នកត្រូវតែទទួលបានការអនុញ្ញាតពី Blue Shield មុនពេលពួកគេបន្ត។ 

ក្រុមការងារ Blue Shield នឹងពិនិត្យមើលសំណើសុំការអនុញ្ញាតជាមុន ដើម្បីធានាថា Medicare ធានារ៉ាប់រងលើអ្វីៗទាំងអស់ ហើយថាការថែទាំបំពេញតាមការស្រាវជ្រាវផ្នែកព្យាបាល ដែលមានល្អបំផុត។ ប្រសិនបើគ្មានការយល់ព្រមជាមុននេះទេ Blue Shield ប្រហែលជាមិនបង់ថ្លៃសម្រាប់ឱសថ ឬនីតិវិធីវេជ្ជសាស្ត្ររបស់អ្នកឡើយ។ លោកអ្នកនឹងត្រូវបង់ថ្លៃចំណាយចេញពីហោប៉ៅផ្ទាល់ខ្លួន។

តើអ្នកណាជាអ្នកចាប់ផ្តើមដំណើរការការអនុញ្ញាតជាមុន?

ជាធម្មតា អ្នកផ្តល់សេវារបស់អ្នកជាអ្នកចាប់ផ្តើមដំណើរការ ដោយដាក់សំណើរសុំក្នុងនាមលោកអ្នក។ សំណើនោះនឹងរួមបញ្ចូលព័ត៌មានលម្អិតអំពីការធ្វើរោគវិនិច្ឆ័យរបស់អ្នក និងមូលហេតុដែលសេវា ឬឱសថនោះចាំបាច់។ជាធម្មតា ការអនុញ្ញាតជាមុនត្រូវចំណាយពេលពី 1 ទៅ 3 ថ្ងៃ។

ដើម្បីដឹងថាតើការអនុញ្ញាតជាមុនរបស់អ្នក​បានដំណើរការដែរឬទេ អ្នកមានជម្រើសពីរ៖

• ចូល ក្នុងគណនីរបស់អ្នក។ ក្រោមម៉ឺនុយទម្លាក់ "myblueshield" ជ្រើស "Prior authorization" (ការអនុញ្ញាតជាមុន)។ នៅទីនេះ អ្នកអាចមើលបញ្ជីសំណើសុំការអនុញ្ញាតជាមុនទាំងអស់ ក៏ដូចជាសំណើដែល Blue Shield បានយល់ព្រមផងដែរ។

• ទូរសព្ទទៅផ្នែកសេវាបម្រើអតិថិជន ឬការិយាល័យវេជ្ជបណ្ឌិតរបស់អ្នក។ ពួកគេអាចជួយកំណត់ស្ថានភាពនៃការអនុញ្ញាតជាមុនរបស់អ្នក។ ប្រសិនបើអ្នកត្រូវការជំនួយក្នុងការផ្លាស់ប្តូរការអនុញ្ញាតជាមុន ចូរ​ទូរសព្ទទៅផ្នែកសេវាបម្រើអតិថិជនដើម្បីឱ្យ​ជួយអ្នក។

ចុះប្រសិនបើការអនុញ្ញាតជាមុនរបស់ខ្ញុំត្រូវបានបដិសេធ?

អ្នកមានសិទ្ធិដាក់ពាក្យបណ្តឹងឧទ្ធរណ៍ ប្រសិនបើ Blue Shield បដិសេធសំណើសុំការអនុញ្ញាតជាមុនរបស់អ្នក។

ស្វែងយល់បន្ថែមអំពី បណ្តឹងឧទ្ធរណ៍ និងបណ្តឹងសាទុក្ខ