ការគ្រប់គ្រងគម្រោង និងគណនីអនឡាញរបស់អ្នក

ត្រូវការជំនួយក្នុងការគ្រប់គ្រងគម្រោង Blue Shield of California របស់អ្នកមែនទេ? អ្នកមកត្រូវកន្លែងហើយ។ ស្វែងរកចម្លើយសម្រាប់សំណួរទូទៅអំពីការប្រើប្រាស់គណនីអនឡាញរបស់អ្នក ការស្នើសុំប័ណ្ណសម្គាល់សមាជិក Blue Shield ជំនួស ការពិនិត្យមើលស្ថានភាពនៃសំណើទាមទារសំណង និងព័ត៌មានផ្សេងៗទៀត។ អ្នកក៏អាចស្វែងរកការណែនាំស្តីពីការដោះស្រាយការប្តឹងឧទ្ធរណ៍ និងសំណើបណ្តឹងតវ៉ា ដើម្បីជួយឱ្យអ្នកដោះស្រាយបញ្ហាបានដោយមានទំនុកចិត្ត។

តើគណនីអនឡាញ Blue Shield ផ្តល់ជូនអ្វីខ្លះ?

គណនីអនឡាញជួយឱ្យការគ្រប់គ្រងគម្រោងរបស់អ្នកកាន់តែងាយស្រួល។ អ្នកអាច៖ 

• ទាញយកប័ណ្ណសម្គាល់សមាជិកឌីជីថលរបស់អ្នក។
• ពិនិត្យមើលអត្ថប្រយោជន៍ និងចំណាយរបស់អ្នក។
• ស្វែងរកវេជ្ជបណ្ឌិត និងវេជ្ជបណ្ឌិតឯកទេស។
• មើលកំណត់ត្រាសុខភាព និងវេជ្ជបញ្ជារបស់អ្នក។
• បង់វិក្កយបត្ររបស់អ្នក ប្រសិនបើអនុវត្តបាន។
• ធ្វើបច្ចុប្បន្នភាពចំណូលចិត្តក្នុងការទទួលព័ត៌មានទំនាក់ទំនងរបស់អ្នក  

តើអ្នកចុះឈ្មោះបង្កើតគណនីអនឡាញ ឬទទួលបានកម្មវិធី Blue Shield សម្រាប់ទូរសព្ទចល័តដោយរបៀបណា?

អ្នកអាច ចុះឈ្មោះសម្រាប់គណនីអនឡាញ នៅលើគេហទំព័ររបស់យើង។

កម្មវិធី Blue Shield ធ្វើឱ្យអ្នកកាន់តែងាយស្រួលចូលប្រើគណនីរបស់អ្នក នៅពេលអ្នកកំពុងធ្វើដំណើរ។ កម្មវិធីនេះផ្តល់ព័ត៌មានដូចគ្នានឹងគណនីអនឡាញរបស់អ្នក ប៉ុន្តែអាចចូលប្រើបានតាមស្មាតហ្វូនរបស់អ្នក។ វាអាចប្រើបានទាំងលើ iPhone® និង Android។ ស្វែងយល់បន្ថែម និង ទាញយកកម្មវិធីរបស់យើង។
 

តើអ្នកអាចស្នើសុំប័ណ្ណសម្គាល់ជំនួសដោយរបៀបណា?

អ្នកអាចបញ្ជាទិញប័ណ្ណសម្គាល់ជំនួសតាមរយៈគណនីអនឡាញរបស់អ្នក ឬដោយទូរសព្ទទៅ ផ្នែកសេវាបម្រើអតិថិជន។ ហើយសូមចងចាំថា អ្នកតែងតែអាចចូលប្រើប័ណ្ណសម្គាល់ឌីជីថលរបស់អ្នកបាននៅក្នុងគណនីអនឡាញរបស់អ្នក ឬនៅលើកម្មវិធីទូរសព្ទ។ ជាមួយកម្មវិធីទូរសព្ទ អ្នកអាចទាញយកបណ្ណសម្គាល់របស់អ្នកទៅកាន់កាបូបឌីជីថលនៅលើស្មាតហ្វូនរបស់អ្នកបាន។
 

តើអ្នកចុះឈ្មោះដើម្បីទទួលអ៊ីមែល និងសារជាអក្សរដោយរបៀបណា?

អ្នកអាចចុះឈ្មោះទទួលអ៊ីមែល និងសារជាអក្សរតាមរយៈគណនីអនឡាញរបស់អ្នក។ ប្រសិនបើអ្នកមិនមានគណនីអនឡាញទេ អ្នកអាច បង្កើតគណនីមួយបាន។ បន្ទាប់ពីអ្នកចូលគណនី សូមទៅកាន់ “គណនី” ហើយជ្រើស កម្រងព័ត៌មានរបស់ខ្ញុំ។ បន្ទាប់មក សូមរំកិលចុះទៅ “ចំណូលចិត្តនៃការប្រាស្រ័យទាក់ទង” ដើម្បីជ្រើសរើសរបៀប ដែលអ្នកចង់ទទួលការទំនាក់ទំនង។
 

តើអ្នកមានសិទ្ធិ និងការទទួលខុសត្រូវអ្វីខ្លះ ប្រសិនបើអ្នកចង់ចាកចេញពីគម្រោង Blue Shield Medicare Advantage Plan, គម្រោងតម្រូវការពិសេសសម្រាប់អ្នកមានសិទ្ធិទទួលបានកម្មវិធីទាំងពីរ (D-SNP), គម្រោងឱសថមានវេជ្ជបញ្ជា Medicare (PDP) ឬគម្រោងធានារ៉ាប់រងបំពេញបន្ថែម?

ទោះបីជាយើងមិនចង់ឃើញអ្នកចាកចេញក៏ដោយ យើងយល់ថា ស្ថានភាពមួយចំនួនអាចតម្រូវឱ្យអ្នកចាកចេញពីគម្រោង។ សម្រាប់ព័ត៌មានលម្អិតអំពីដំណើរការនេះ សមាជិកនៃគម្រោងឱសថមានវេជ្ជបញ្ជា Medicare Advantage (MA-PD) និងគម្រោងឱសថមានវេជ្ជបញ្ជា (PDP) អាចយោងទៅឯកសារភស្តុតាងបញ្ជាក់អំពីការធានារ៉ាប់រង (EOC) របស់គម្រោង និងជំពូក “ការបញ្ចប់សមាជិកភាពរបស់អ្នកក្នុងគម្រោង”។ សមាជិកគម្រោងធានារ៉ាប់រងបំពេញបន្ថែមអាចយោងទៅឯកសារសង្ខេបអត្ថប្រយោជន៍ (SOB) របស់គម្រោង និងផ្នែក “លក្ខខណ្ឌនៃការធានារ៉ាប់រង”។ សមាជិកគម្រោងតម្រូវការពិសេសសម្រាប់អ្នកមានសិទ្ធិទទួលបានកម្មវិធីទាំងពីរ (D-SNP) អាចយោងទៅជំពូកទី 8 ក្នុងសៀវភៅណែនាំសមាជិករបស់ពួកគេ។

• ឯកសារគម្រោង MA-PD
• ឯកសារគម្រោងតម្រូវការពិសេសសម្រាប់កម្មវិធីពីរ
• ឯកសារ PDP
• ឯកសារគម្រោងធានារ៉ាប់រងបំពេញបន្ថែម 
   

តើអ្នកដាក់ពាក្យបណ្តឹងតវ៉ា ឬបណ្តឹងឧទ្ធរណ៍ដោយរបៀបណា?

ក្នុងនាមជាសមាជិក Blue Shield អ្នកមានសិទ្ធិដែលត្រូវបានធានាក្នុងការដាក់ពាក្យបណ្តឹង ប្រសិនបើអ្នកមានកង្វល់ ឬបញ្ហាជាមួយផ្នែកណាមួយនៃការថែទាំរបស់អ្នក។

• សមាជិកគម្រោង MA-PD និង PDP សូមចូលទៅកាន់ទំព័រ បណ្តឹងឧទ្ធរណ៍ និងបណ្តឹងតវ៉ារបស់យើង។
• សមាជិកគម្រោងតម្រូវការពិសេសសម្រាប់អ្នកមានសិទ្ធិទទួលបានកម្មវិធីទាំងពីរ សូមមើលជំពូកទី 9 ក្នុងសៀវភៅណែនាំសមាជិករបស់អ្នក
• សមាជិកគម្រោងធានារ៉ាប់រងបំពេញបន្ថែម សូមចូលទៅកាន់ ទំព័ររបៀបដាក់ពាក្យបណ្តឹងសាទុក្ខ។ 

តើអ្នកអាចស្វែងរកធនធានបន្ថែមអំពីកម្មវិធី Medicare នៅឯណា?

ទំព័រ ធនធាន របស់យើងមានតំណមានប្រយោជន៍ទៅកាន់ឯកសារគម្រោង និងធនធានផ្សេងទៀតសម្រាប់សមាជិក។

ប្រសិនបើអ្នកមានគណនីអនឡាញរួចហើយ សូម ចូលគណនី ដើម្បីមើលព័ត៌មានផ្ទាល់ខ្លួនអំពីអត្ថប្រយោជន៍របស់អ្នក។

អ្នកក៏អាចទាក់ទងទៅកាន់ភ្នាក់ងារធានារ៉ាប់រងក្នុងតំបន់របស់អ្នក ឬទូរសព្ទទៅទីប្រឹក្សាគម្រោង Blue Shield Medicare តាមរយៈលេខ (800) 260-9607 (TTY: 711)*។