Customer service at gabay

Pinapadali ng online account ang pag-manage sa plan mo.

Puwede mong: 

• Mag-download ng iyong digital ID card bilang miyembro ng Blue Shield

• I-check ang iyong mga benepisyo at gastos

• Maghanap ng mga doktor at espesyalista

• Tingnan ang lahat ng iyong record sa kalusugan at mga reseta sa iisang lugar.

Mag-register online

Ginagawang mas madali ng app ang pag-access ng iyong account kapag kayo ay nasa biyahe.  Parehong impormasyon ito, pero gamit ang smartphone mo. Parehong available ito sa iOS at Android.

Alamin ang higit pa tungkol sa aming app

Ang referral ay isang kahilingan mula sa iyong provider ng pangunahing pangangalaga (primary care provider, PCP) para sa appointment sa isang espesyalista. Ang espesyalista ay provider na nakatuon sa isang partikular na karamdaman o bahagi ng katawan tulad ng doktor sa puso, surgeon o physical therapist:

Kailan ko kailangan ng referral?

• Kung mayroon kang HMO plan, kakailanganin mo ng referral mula sa iyong PCP para makapagpatingin sa isang espesyalista.

Kailan ko HINDI kailangan ng referral?

• Kung mayroon kang PPO plan

• Para makatanggap ng pang-emergency o agarang pangangalaga

Paano gumagana ang referral?

Kadalasang ginagawa ang referral sa panahon ng pagbisita sa iyong PCP. Maaari mo ding kontakin ang iyong provider para humiling ng referral. Pagkatapos, magpapadala ang iyong provider ng referral sa opisina ng espesyalista kasama ang mga kaugnay na impormasyong medikal.

Maaaring abutin ng ilang araw ang pagproseso ng mga referral. Ang pinakamahusay na paraan para malaman ang status ng iyong referral ay tumawag sa opisina ng iyong provider. Hingin ang numero ng telepono ng espesyalista para matawagan mo siya at makapagpa-appointment pagkatapos maproseso ang referral.

Paano kung puno na ang schedule ng espesyalistang ni-refer sa akin?

Maaaring i-refer ka ng iyong provider sa isang espesyalista na napaka-busy ang schedule. Sa ganitong sitwasyon, tawagan ang Customer Service. Matutulungan ka naming makahanap ng mga appointment sa ibang mga espesyalista para mas maaga kang makatanggap ng pangangalagang kailangan mo.

Ang paunang pahintulot ay kahilingan para sa paunang pag-apruba ng ilang partikular na test, pamamaraan, kagamitang medikal, at mga gamot na inorder para sa iyo. Dapat munang makatanggap ang provider mo ng pag-aprubang iyon mula sa Blue Shield bago siya magpatuloy. 

Susuriin ng team ng Blue Shield ang kahilingan para sa paunang pahintulot para matiyak na saklaw ito ng Medicare at na ang pangangalaga ay naaayon sa pinakamahusay na klinikal na pananaliksik. Kung wala ang paunang pag-apruba na ito, maaaring hindi bayaran ng Blue Shield ang iyong gamot o medikal na pamamaraan. Pagkatapos ay kailangan mong magbayad mula sa sariling bulsa.

Sino ang magsisimula sa proseso ng paunang pahintulot?

Karaniwan, ang iyong provider ang nagsisimula ng proseso sa pamamagitan ng pagsusumite ng kahilingan para sa iyo. Kasama rito ang mga detalye tungkol sa iyong diagnosis at kung bakit kailangan ang serbisyo o gamot.Ang mga paunang pahintulot ay karaniwang inaabot ng 1 hanggang 3 araw.

Para malaman kung naproseso na ang iyong paunang pahintulot, mayroon kang dalawang opsyon:

• Mag-log in sa iyong account. Sa ilalim ng dropdown menu na "myblueshield," piliin ang "Prior authorization." Makikita dito ang listahan ng lahat ng request para sa paunang pahintulot, pati na ang mga inaprubahan ng Blue Shield.

• Tawagan ang Customer Service o ang opisina ng iyong doktor. Makakatulong sila para matukoy ang status ng iyong paunang pahintulot. Kung kailangan mo ng tulong para mapabilis ang pagproseso ng paunang pahintulot, tumawag sa Customer Service.

Paano kung tinanggihan ang aking paunang pahintulot?

May karapatan kang mag-apela kung tinanggihan ng Blue Shield ang iyong kahilingan sa paunang pahintulot.

Matuto nang higit pa tungkol sa Mga Apela at Karaingan