Bakit dapat piliin ang Amazon Pharmacy para sa paghahatid sa bahay?

Bilang karagdagan pa sa impormasyong makikita mo sa pahinang ito, gumawa kami ng isang mabilis na gabay upang makapagsimula ka. Alamin ang tungkol sa:

• Paggawa ng inyong profile sa Amazon Pharmacy
• Paglilipat ng inyong mga reseta
• Paglalagay ng mga order
• Pagkuha ng 24/7 na suporta mula sa dedikadong mga propesyonal sa botika ng Amazon, kabilang ang mga pharmacist

I-download ang aming Gabay sa Pagsisimula

• Walang dagdag na gastos para sa paggamit ng mga serbisyo ng Amazon Pharmacy o para sa paghahatid.
• Ang mga miyembro ng Blue Shield of California na may Amazon Prime na subscription ay makakakuha ng 2-araw na paghahatid. Ang mga miyembrong walang subscription sa Amazon Prime ay maaaring makaasa ng 5-araw na paghahatid.
• Hindi naghahatid ang Amazon Pharmacy sa mga P.O. box.
   

1. Una, mag-sign up para sa Amazon Pharmacy.
2. Kapag nakapag-sign in na, piliin ang “Magdagdag ng reseta” sa itaas ng pahina.
3. Piliin ang “Ibahagi ang mga tagubilin sa inyong tagareseta.” Ito ang pinakamabilis at pinaka-epektibong opsiyon.
4. Makikita ninyo ang mga detalye kung saan dapat ipadala ng mga tagareseta ang inyong mga reseta. Makakahanap kayo ng ilang opsiyon kung paano makikipag-ugnayan sa inyong mga tagareseta:

Pinakamabilis: Tawagan ang tanggapan ng inyong tagareseta. Dapat ninyong ipaalam sa kanila na ninanais ninyo na ipadala ang inyong mga gamot sa Amazon Pharmacy. Pagkatapos ay ibigay sa kanila ang mga detalyeng ito.

Name/E-Scribe: Amazon.com – Amazon Pharmacy Home Delivery
Address: 4500 S Pleasant Valley Road, Suite 201, Austin, TX 78744-2911
Fax: (512) 884-5981
Phone: (855) 206-3605

Maaari din ninyong:

• Gamitin ang online portal ng inyong tagareseta/grupong medikal upang makapagpadala ng mensahe sa inyong tagareseta upang ibigay sa kanila ang mga detalye na ito.
• Maghintay para sa inyong susunod na appointment upang hilingin sa inyong tagareseta na ilipat ang inyong mga reseta sa Amazon Pharmacy.
• Gamitin ang proseso ng paglipat ng Amazon Pharmacy.

I-download ang mga tagubilin para sa paglilipat ng inyong mga reseta

Sa sandaling nasa file na ang inyong reseta at handa nang i-order, ipapaalam ito sa inyo ng Amazon Pharmacy – pagkatapos ay mag-sign in sa inyong Amazon Pharmacy na profile, idagdag ang gamot sa inyong cart, suriin ang inyong address at paraan ng pagbabayad, at magagawa na ninyong ilagay ang inyong order.

1. Una, kakailanganin ninyo mismong mag-sign up para sa Amazon Pharmacy.
2. Sa sandaling naka-sign-in na kayo sa inyong dashboard ng Amazon Pharmacy, piliin ang inyong pangalan sa itaas ng pahina. May lalabas na isang pop up na may mga bagay na mapagpipilian kabilang ang:

• Magdagdag ng isang caregiver: Piliin ang opsiyon na “mag-imbita ng isang tao upang tulungan kayo sa inyong mga gamot.” Ilagay ang pangalan at numero ng mobile ng inyong miyembro ng pamilya o pinagkakatiwalaang tao. Makakatanggap siya ng imbitasyon sa pamamagitan ng text message.
   

I-download ng mga tagubilin para sa pagdaragdag ng mga caregiver sa Amazon Pharmacy

Ang inyong account sa Amazon Pharmacy ay pribado at protektado.

Kabilang sa mga pangunahing katangian ang:

• Seguriad
  ang inyong PHI (protektadong impormasyong pangkalusugan, o protected health information), kabilang ang inyong mga order sa gamot, ay hindi ipinapakita sa mga profile ng iba pang mga miyembro ng pamilya sa Amazon Pharmacy o sa listahan ng mga bagay na nabili sa Amazon retail.
  
• Pagsubaybay at mga abiso ng paghahatid sa aktwal na oras
  Makakatanggap kayo ng mga napapanahong paunawa tungkol sa kalagayan ng pagpapadala, na tumutulong sa inyong makapagplano sa pagtanggap at maiwasan ang mga paghahatid sa panahon na walang tao para tumanggap nito.
• Smart Refill na pamamahala
  Ang mga awtomatikong opsyon sa pag-refill at mga paalala ay tumutulong sa inyong manatiling napapanahon sa inyong mga schedule ng gamot nang walang pangangailangan para sa manwal na pamamagitan.
• Madaling mga kontrol sa pag-refill
  Maaari ninyong ihinto o kanselahin ang mga awtomatikong pag-refill, na kung saan sinisiguro nito na matatanggap lamang ninyo ang mga gamot kapag kinakailangan ninyo ito.
• Pag-apruba sa pagbabayad bago ipadala
  Hindi ipapadala ang mga gamot hangga't hindi ninyo inaaprubahan ang paraan ng pagbabayad, at dahil dito ay maiiwasan ang mga hindi kanais-nais na pagsingil o paghahatid.
• Kaligtasan ng balutan
  Regular na sinusuri ng Amazon ang mga balutang ginagamit nito upang masiguro na ang mga paghahatid ng mga gamot ay ligtas. Ang mga pagsusuring ito ay nagaganap sa lahat ng panahon upang mapag-aralan ang epekto ng kapwa mataas at mababang temperatura. Ang mga balutan ng Amazon at programa ng pagpapadala sa panahon ng tag-lamig ay sumusunod sa mga alituntunin at pamantayan na itinatag ng Komisyon ng Akreditasyon ng Pagsusuri ng Paggamit (Utilization Review Accreditation Commission, URAC) at ng Pambansang Asosasyon para sa mga Lupon ng Botika (National Association for Boards of Pharmacy, NABP).

Aabisuhan kayo ng Amazon Pharmacy sa pamamagitan ng email at text.

Nagbibigay ang Amazon Pharmacy ng 24/7 na suporta mula sa mga sinanay na kinatawan ng pangangalaga sa customer na makakatulong upang malutas ang mga tanong na kaugnay sa account, mga isyu sa paghahatid, mga pinaka-kasalukuyang impormasyon tungkol sa pagbabayad, mga alalahanin sa reseta, at higit pa.  Mangyaring maglaan ng 5 araw ng trabaho para sa paghahatid bago makipag-ugnayan sa Serbisyo sa Customer ng Amazon na may kaugnayan sa inyong order. I-download ang aming gabay sa pagkuha ng suporta sa Amazon Pharmacy.

Pinahahalagahan ng Amazon Pharmacy ang inyong pagkapribado. Maaari ninyong makontrol kung sino ang may access bilang isang caregiver. Pumunta sa pahina ng impormasyon sa pangangalaga ng Amazon o i-download ang mga tagubilin para sa pagdaragdag ng mga caregiver sa Amazon Pharmacy.

• Mga breast pump
• Mga compound na gamot
• Karamihan sa mga medikal na device (mga brace, insulin pump, nebulizer)
• Mga reseta para sa alagang hayop
• Mga Schedule II na mga gamot: Mga narcotic na gamot na tulad ng oxycodone at mga hindi narcotic na gamot na tulad ng Adderall
• Mga espesyalidad na gamot
• Mga suspension (liquid amoxicillin, fluconazole)
• Mga bakuna

Maaari ninyong suriin ang presyo ng gamot sa dashboard ng inyong Amazon Pharmacy, bago ninyo ilagay ang inyong order. Sa pamamagitan ng Tool upang I-check ang Presyo ng Aking Rx ng Blue Shield, maaari ninyong ikumpara ang halaga ng inyong mga gamot sa iba pang mga botika upang mapagpasyahan kung aling opsyon ang tama para sa inyo.

Para sa presyo, mag-log in sa inyong Blue Shield account.